यावेळी करणनेदेखील भावूक होत सांगितले की, “शबानाजींनी साकारलेली भूमिका मी शर्मिलाजींना ऑफर केली होती, त्या माझी पहिली पसंती होत्या. पण त्यावेळी प्रकृतीच्या कारणास्तव त्यांनी नकार दिला याची मला खंत आहे,” मात्र शर्मिला यांच्या या वक्तव्यामुळे त्यांच्या चाहत्यांना नक्कीच धक्का बसला आहे. (फोटो सौजन्य - @saraalikhan95 Instagram/iStock)
कॅन्सरची माहिती
शर्मिला यांनी काय सांगितले
शर्मिला यांनी कॉफी विथ करणमध्ये स्पष्ट केले की, “कोविडचा कालावधी त्यावेळी अत्यंत जास्त प्रमाणात पसरला होता. आणि खरोखरच कोविडचा सामना करावा लागला नव्हता, आम्हाला लसीकरण करण्यात आले नव्हते. माझ्या कॅन्सरशी दिलेल्या लढ्यानंतर मी तो धोका पत्करावा असे वाटत नव्हते.” आणि त्यामुळेच चित्रपट नाकारल्याचेही त्यांनी सांगितले.
कॅन्सर कसा होतो?
कॅन्सर कोणत्याही वयात आणि कोणालाही होऊ शकतो. कॅन्सरचे अनेक प्रकार आहेत. कॅन्सर होऊ नये म्हणून तुम्ही काळजी घेऊ शकता. मात्र कॅन्सर होण्याची अनेक कारणे आहेत. त्यापैकी अनुवंशिकता हे सर्वात मोठे कारण आहे. त्याशिवाय पर्यावरणीय घटक, खाण्यापिण्यातील बदल, सिगारेट ओढणे, पर्यावरणातील अनेक विषारी पदार्थांचा संसर्ग अथवा कॅन्सर किरणांचा संपर्क यामुळे कॅन्सर होऊ शकतो.
(वाचा - सतत पोट फुगतंय पण गॅस म्हणून करताय दुर्लक्ष? असेल कॅन्सरचा धोका वेळीच जाणून घ्या कारणे आणि प्रकार)
कॅन्सरची महत्वाची लक्षणे कोणती?
बरेचदा कॅन्सरची लक्षणे कळून येत नाहीत. काही जणांना कॅन्सर हा चौथ्या स्टेजमध्येच कळतो. मात्र तुम्हाला काही महत्त्वाची लक्षणे दिसली तरी कॅन्सरच्या तपासण्या करून घ्याव्या. याशिवाय साधारण ३० व्या वर्षानंतर नियमित कॅन्सर टेस्ट करून घ्याव्या.
- शौचातून रक्त येणे
- अचानक लाल पेशी कमी होणे
- बराच काळ खोकला असेल
- आराम केल्यानंतरही सतत थकवा जाणवणे
- स्तनांचा आकार बिघडणे
- २ आठवड्यापेक्षा जास्त गिळताना त्रास होणे
- कधीही ताप येणे
- अचानक वजन कमी होणे
(वाचा - स्वादुपिंडाचा कर्करोग अर्थात पॅनक्रिएटिक कॅन्सरची लक्षणे, मृत्यूचा विळखा वाढतोय)
सर्वाधिक आढळणारे कॅन्सर
कॅन्सरचे अनेक प्रकार आहेत पण सर्वाधिक नक्की कोणते कॅन्सर होतात याची माहिती असणेही गरजेचे आहे.
- ब्रेस्ट कॅन्सर अर्थात स्तनाचा कर्करोग
- सर्विकल कॅन्सर अथवा गर्भाशय मुखाचा कर्करोग
- ओव्हरियन कॅन्सर
- तोंडाचा कॅन्सर
- प्रोस्टेट कॅन्सर
- आतड्यांचा कॅन्सर
(वाचा - कौटुंबिक हिस्ट्री असेल तर महिलांसाठी स्तन तपासणी आवश्यक, करू नका दुर्लक्ष)
कॅन्सरचे निदान व्हायला किती वेळ लागतो?
कॅन्सर हा शरीरात हळूहळू पसरतो आणि विकसित होतो. त्यामुळे कर्करोग झाला आहे हे कळण्यासाठी साधारण काही आठवडे अथवा महिने लागू शकतात. काही कर्करोग हे शेवटच्या स्टेजवर कळतात. नॅशनल इन्स्टिट्यूट फॉर हेल्थ केअर एक्सलन्स यांनी त्यासाठी काही मार्गदर्शक तत्वही तयार केली आहेत.
कशी घ्यावी काळजी
- कॅन्सर टाळण्यासाठी धुम्रपान आणि तंबाखूजन्य पदार्थ टाळावेत
- प्रोसेस्ड फूड आणि लाल मांसाचे सेवन कमी करावे
- आहारामध्ये हिरव्या पालेभाज्यांचा वापर अधिक करावा
- नियमित तपासणी करून घ्यावी
- न चुकता लसीकरण करून घ्यावे
- अनुवंशिकता असेल तर ठराविक वयानंतर न चुकता तपासणी करून घ्यावी
संदर्भ
https://www.aacr.org/patients-caregivers/about-cancer/what-is-cancer-research/
https://www.cancer.gov/about-cancer/treatment/research
https://www.cancerresearchuk.org/about-cancer/what-is-cancer
